Çinə vizasız səyahət imkanı əldə etsəniz sizin işinizi asanlaşdıracaq bir çox detalları paylaşmışıq.
Bu məqalədə Çin Xalq Respublikası haqqında ətraflı məlumat verəcəyik və gediləcək şəhərlər, iqlimi, festivalları və daha bir çox təfərrüatlardan bəhs edəcəyik!

Çinə çox səyahət etmiş Azərbaycanlı turistlərin fikrinə görə, bura indiyə qədər gördükləri ölkələrdən tamamilə fərqli bir yerdir. Ancaq Asiya ölkəsinə getdiyiniz zaman mədəni fərqləri başa düşə bilərsiniz. Bizdən o qədər fərqli mədəniyyətdir, bir fikirləşin, hətta yemək üçün istifadə etdikləri avadanlıqlar da bizimkindən fərqlidir.

Çinə səfəriniz zamanı mütləq yadda saxlamağınız lazım olan məlumatlar

Çinə səyahət etməzdən əvvəl və səfər zamanı bilmək üçün faydalı olacaq nüansları sizinlə bölüşürük. Valyuta mübadiləsindən tutmuş sosial həyata, təmizliyə, qaydalara qədər bir sıra məlumatlar var.

Çinlilərin təmizlik anlayışı bizim ölkədən çox fərqlidir. Əgər seçici bir insansınızsa, özünüzlə çoxlu yaş salfetlər və antibakterial əl dezinfeksiyaedici vasitə götürməyi məsləhət görürük.

Çinə səfəriniz başlamazdan əvvəl telefonunuza pulsuz VPN endirin. Çində WhatsApp, Instagram, Facebook və Google-a VPN olmadan daxil olmaq mümkün deyil.
Xatırlatmaq istərdik ki, VPN telefonunuzun batareyasını sürətli şəkildə boşaldır. Buna görə də özünüzlə PowerBank götürməyi tövsiyə edirik.

Çindəki rozetkaların bizimki kimi iki rozetkası olmadığı üçün səfərdən əvvəl istənilən elektronika mağazasından üç pinli cihaz almağı unutmayın. Çinə gedəndə tələsik axtarıb tapmaqdansa, bu xırda detalları Bakıda həll etmək sizin üçün daha rahat olacaq.

Valyuta konvertasiyanızı idarə edə bilirsinizsə, bunu Azərbaycanda edib səfərə çıxmağınız daha yaxşı olar. Əgər siz dollar və ya avrolarınızı Bakıda Yuana çevirsəniz, işiniz asanlaşacaq.
Çünki Çində valyuta konvertasiyası ancaq banklarda baş verir və əgər Çin dilini bilmirsinizsə, məsul şəxslərə probleminizi izah etmək çox çətin ola bilər.

Çinə getdiyiniz hər yerdə, taksiyə minərkən, suvenir alarkən və ya turistik məkanda, alış-verişdə olarkən mütləq qiymət endirməyi unutmayın! Çünki onların verdiyi qiymətin yarısına hər şeyi almaq mümkündür.

Çin dili

Terra Travel-in təşkil etdiyi tur ilə səyahət etsəniz daha bir vacib mövzudan xəbərdar olmalısınız. Ölkənin dili və əlifbası. Çində yolunuzu necə tapmaq və işarələri necə oxumaq barədə həyacanlı anlar yaşamaq normaldır. Ancaq narahat olmayın, xüsusən də turistik bölgələrdə latın əlifbasından istifadə edən lövhələr var.

Ölkədə 300-ə yaxın müxtəlif dildə danışılır. Rəsmi dil Çin dilidir və Çin dil ailəsi arasında ən çox danışılan Mandarin Çin dilidir. Mandarin bir ləhcə hesab olunur və Çin Xalq Respublikası və Tayvanın rəsmi dili dedikdə ilk ağla Mandarin gəlir.

Çinin pul vahidi

Çin Xalq Cümhuriyyətində pul vahidi Çin Yuanıdır. (CNY)
1 manat təxmini 4 Yuana bərabərdir.
1 EUR ≈ 8.27 CNY
1 USD ≈ 7.29 CNY

Çinə viza tələb olunurmu?

Aprel ayının sonlarında Azərbaycan Respublikası Hökuməti ilə Çin Xalq Respublikası Hökuməti arasında ümumvətəndaş pasportlarına malik vətəndaşların vizadan qarşılıqlı azad edilməsi haqqında Saziş imzalandı. Bununla da Azərbaycan vətəndaşları “Terra Travel”-a müraciət edərək Çinə sadəcə xarici pasport ilə səyahət edə biləcəklər.

Çinə hansı aylarda səyahət edə bilərik ?

Çin səfərinizdə üstünlük verəcəyiniz şəhərlər Pekin, Şanxay, Tianjin və Xian olacağından, bu şəhərlərə getmək üçün ən yaxşı vaxtlar əslində yaz və payızdır. Yay aylarında temperatur 40 dərəcəyə qədər, qış aylarında isə -10 dərəcəyə qədər enə bilir. İstidən və şaxtalı soyuqdan əziyyət çəkməmək üçün Çinə ən yaxşı vaxtlar aprel-may və sentyabr-oktyabr ayları hesab olunur.

Çində festivallar

Çin Yeni İli: Çində bu bayram ölkədə ən əhəmiyyətli günlərdən biri hesab olunur. Çin təqviminə görə hər il fərqli bir tarixdə qeyd olunur. Yeni il şənliklərinə Bahar bayramı da deyilir. Bu festivalda əjdaha rəqsləri, musiqi və şoulara baxmaq mümkündür.

Chingming Festival: Chingming bizim Qurban bayramımız kimidir. Hər il may ayında keçirilir.
Festival zamanı ölənlərin məzarları təmizlənir, güllər əkilir, əcdadların məzarlarına yemək və çiçəklər təqdim edilir. Bu bayram onlar üçün yazın gəlişini təmsil edir.

Əjdaha Qayıq Festivalı: Çində digər mühüm festival Əjdaha Qayıq Festivalıdır. Bu festivalda əjdaha formalı qayıqların yarışması keçirilir. Çin təqviminə görə hər il 5-ci ayın 5-də keçirilir.

Çinə necə səyahət edə bilərik ?

Hal-hazırda Bakıdan Çinə birbaşa uçuşlar yalnız paytaxt şəhər Pekinə mövcuddur.

Digər Çin şəhərlərinə Şençjen (Shenzhen), Şanxay (Shanghai), Quançjou (Guangzhou) və ya Çendu (Chengdu) kimi şəhərlərə birbaşa uçuşlar mövcud deyil. Bu istiqamətlərə səyahət etmək ən azı bir dəfə transferlə, əsasən İstanbul, Dubay və Moskva kimi şəhərlərdən mümkündür.

Əgər Çinə Pekindən başqa bir şəhərə səyahət etməyi planlaşdırırsınızsa, əvvəlcə Bakıdan Pekinə birbaşa uçuşla gedib, oradan daxili reyslə və ya sürətli qatarla (məsələn, CRH və ya Fuxing) istədiyiniz şəhərə keçmək daha rahat və vaxt baxımından sərfəli ola bilər.

Çin bahalı ölkədir ?

Çinə səyahət etsəniz önəmli tövsiyəmiz yerli məhsullar almaqdır! Çinə idxal olunan hər bir məhsul yerli məhsuldan təxminən iki dəfə baha satılır. Belə ki, yemək və içki seçimlərinizi Starbucks və ya McDonald's kimi xaricdən gətirilən məhsullar və markalar yerinə Çində ən çox istehlak edilən milli yeməklər və içkiləri olan Milk tea və ya Bubble tea satan mağazalardan alsanız, həm yerli ləzzətləri dadmış olarsınız, həm də pulunuza qənaət etmiş olarsınız.

Çində rahat gəzə biləcəyiniz yerlər və şəhərlər

Pekin - tarixin və mədəniyyətin paytaxtı

Çində mütləq görməli yerlərdən biri də ölkənin paytaxtı Pekindir. Bu şəhər, həm Çin tarixi abidələri, həm də mədəniyyət turizmi ilə zəngin olan nadir destinasiya sayılır. Burada dünyanın ən böyük meydanlarından biri olan Tiananmen Meydanı, qədim imperiya gözəlliyini qoruyan Yay Sarayı (Summer Palace), ruhani atmosferi ilə tanınan Cənnət Məbədi kimi möhtəşəm yerləri ziyarət edə bilərsiniz.
Ailələrlə səyahət edənlər üçün isə Pekin Zooparkı xüsusi maraq doğurur – burada sevimli və nadir nəhəng pandaları canlı görmək mümkündür. Əgər Çin paytaxtına səyahət planlaşdırırsınızsa, Pekin sizi tarix, təbiət və memarlığın mükəmməl sintezi ilə qarşılayacaq.

Tianjin - Müasirlik və memarlığın unikal vəhdəti

Çinin şimalındakı ən böyük sənaye və liman şəhərlərindən biri olan Tianjin, maraqlı turistik məkanları ilə seçilir. Şəhərin simvolik görməli yerlərindən biri olan “Tianjin Eye” dönmə çarxı, Hai çayının üzərində yerləşərək həm gündüz, həm də gecə ecazkar mənzərə təqdim edir.

Şəhərin ortasından axan Hai çayında kruizə çıxmaq, Tianjini fərqli bir bucaqdan izləmək üçün əla fürsətdir. Kitabsevərlərin və memarlıq həvəskarlarının mütləq görməsi lazım olan yer isə Tianjin Binhai Kitabxanasıdır – unikal interyeri ilə sosial mediada məşhurlaşan bu məkan, insanı həqiqətən də gedib görməyə vadar edir.

Tianjinə tur sizi həm müasir memarlıq, həm də rahat şəhər atmosferi ilə valeh edəcək.

Çin Səddi – Tarixin və möcüzənin qovuşduğu yer

Çin Səddi (Great Wall of China), dünyanın ən məşhur turistik məkanlarından biridir. Bu tarixi abidə, Çində görməli yerlər, Asiyada səyahət, tarixi turizm və Çin tur paketləri ilə maraqlanan səyahətçilər üçün əvəzolunmaz dayanacaqdır. Pekin yaxınlığında yerləşən Çin Səddi, həm fotoqrafiya sevərləri, həm də tarix həvəskarları üçün unudulmaz təcrübə təqdim edir. Əgər Çinə səyahət planlaşdırırsınızsa, bu dünya möcüzəsini ziyarət etməyi unutmayın!

Şanxay – Çin Xalq Respublikasının iqtisadi ürəyi və parlayan turizm incisi

Şanxay — Çin Xalq Respublikasının ən böyük şəhəri və dünyanın əhalisinə görə 8-ci ən böyük metropoludur. Bu qlobal şəhər, Çində turizm, Şanxay tur paketləri və Asiyada şəhər turları ilə maraqlanan səyahətçilər üçün mükəmməl seçimdir. Huanqpu çayı boyunca gəzintiyə çıxaraq Şanxayın nəfəskəsici göydələn panoramasını, xüsusilə The Bund sahil zolağını kəşf edə bilərsiniz.

Şərq İncisi Teleqülləsinin zirvəsindən şəhərin gözoxşayan mənzərəsinə tamaşa edə bilərsiniz. Tarix və təbiəti birləşdirən Yu Bağçaları və qədim məbədlər, həmçinin Venesiyanı xatırladan kanalları ilə məşhur Fengjing Qədim Şəhəri, Şanxayın mədəni ruhunu hiss etmək üçün ideal ünvanlardır.
Əgər Çində səyahət planlaşdırırsınızsa, Şanxay həm müasir şəhər həyatı, həm də zəngin tarixi ilə unikal təcrübə vəd edir.

Tianmen Dağı

Çində mütləq görülməli ən yaxşı yerlərdən biri və dünyanın diqqətçəkən dağlarından biri olduğu deyilən Tianmen dağı Cənnətə gedən qapı hesab olunur. Zhangjiajie şəhərinin yaxınlığında yerləşən dağın hündürlüyü 1519 metrdir.

Dünyanın ən uzun kanat yolu bu dağdadır və kanat yolu ilə dağa çatmaq 30 dəqiqə çəkir. Bu 30 dəqiqə ərzində kanat yolu 7 kilometr qət edir. Kanat yolunda uzun növbələrin qarşısını almaq üçün, Tianmen dağına gedən çinli qrupların sayı kifayət qədər çox olduğundan, açılış vaxtından təxminən 1-1,5 saat əvvəl gəlmək tövsiyə olunur.

Çində nə yeyə bilərsiniz ? Çin mətbəxi haqqında hər şey

Uzaq Şərq mətbəxləri arasında Yapon və Çin mətbəxi üstünlük təşkil edir. Gəlin görək Çin mətbəxi necədir və nəyi harada yemək lazımdır.

Çin mətbəxinin əvəzolunmaz yeməkləri düyü, yumurta, balıq və soya məhsullarıdır. Ənənəvi yeməklərdən biri də Çin mantısıdır. Bu ləzzət daha çox Yeni il bayramında istifadə olunur.
“Dim sum” buxarda bişirilmiş ətlə doldurulmuş yumru xəmirdən ibarət yeməkdir. Çində demək olar ki, hər yeməkdə istehlak edilən düyü yağsız bişirilir və sıyığa bənzəyir. Çinlilər bu düyünü o qədər sevirlər ki, demək olar ki, hər evdə elektrikli düyü bişirən aparat var.

Çin mətbəxinə xas olan digər element böyük dəyirmi masalardır. Çində hər restoranda bu böyük dəyirmi masaları görə bilərsiniz və stolun ortasında şüşədən hazırlanmış fırlanan qab var. Süfrəyə gələn yeməklər masanın üzərinə qoyulur və hər kəs öz boşqabına istədiyi qədər yeməkdən götürmək üçün fırlanmağa başlayır.

Öncədən bildirək ki, Çində beynəlxalq təamlar təqdim edən restoran tapmaq bir az çətindir.
Bir müddət sonra Çin yeməklərindən yorulsanız, fast-food restoranlarına rast gəlmək mümkündür, lakin ümumilikdə Çin restoranlarında yalnız Çin yeməkləri verilir.

Çinə Terra Travel ilə səyahət etməyi planlaşdırsanız lazım ola biləcək bütün məlumatları sizinlə bölüşdük. Səyahətinizi bizə etibar edin və dünyanı birlikdə kəşf edək!